ЯҢАЛЫКЛАР
Районда яңа өйләнешүче парлар өчен тагын бер яңалык керә. Хәзер кияүнең кәләшне район башлыгы машинасында барып алу мөмкинлеге бар. Машина иң беренчеләрдән булып 19 апрель көнне Апас егете Раил Шиһабиев һәм Иске Йомралы авылы кызы Алисә Кашафетдинованың кавышу мизгелләрендә хезмәт итәчәк.
Район башлыгы Рәшид Заһидуллин катнашында узган чираттагы җомга киңәшмәсендә коррупциягә юл куймау, хезмәт, янгын куркынычсызлыгын булдыру, чисталык икеайлыгы кысаларында өмәләр оештыру мәсьәләләре каралды. Шулай ук язгы кыр эшләре барышы төп тема булып яңгырады, һәр көннең, һәр сәгатьнең кадерен белеп эшләү бурычы куелды.
Районда җаваплы чор – язгы чәчү эшләре бару сәбәпле, район башлыгы Рәшид Заһидуллин халыкны кабул итү сәгатьләрен үзгәртте. Кабул итү – сишәмбе һәм җомга көннәрендә 7.00-9.00 сәгатьләрдә.
– Быел язын хәрби хезмәткә Апас районыннан 27 яшькә кадәрге 31 ир-егет чакырылачак, – диде хәрби комиссар Илшат Паймурзин.
19 апрельдән районда киек кошларга язгы ау сезоны ачыла. Ул 28 апрельгә кадәр кадәр дәвам итәчәк.