ЯҢАЛЫКЛАР

Апасның 2007 елгы яшь хоккейчыларын берләштергән "Барс" командасы Теләчедә узган уеннарда катнашты.Алар теләчелеләрне 20:1 исәбе белән җиңүгә иреште. Җиңүләр дәвамлы булсын!

Бүген көндез болытлы һава торышы, бераз яңгыр, +9..11°, төньяктан талгын җил. Атмосфера басымы норма чикләрендә. Геомагнит кыр тыныч. Якында төнлә болытлы һава торышы, температура +1..+3°. Басым нормадан бераз югарырак. 16 октябрьдә, тәүлек дәвамында югары басым фонында алмашынучан болытлы һава көтелә, төнлә +1..+3°, көндез +5 ° .+7°.

Казанда авыл хуҗалыгы ярминкәләре узды.

Биредә апаслылар да үз хуҗалыгында җитештергән продукциясен тәкъдим итте. Ярминкәгә килүче казанлыларны район мәдәният хезмәткәрләре җыр-моңнар белән каршы алды .Ярминкә барышы белән район башлыгы Равил Хисаметдинов та танышты.

Бүген көндез болытлы һава торышы көтелә, +8..10°, көнбатыштан талгын җил. Атмосфера басымы норма чикләрендә. Геомагнит кыр тыныч.Төнлә болытлы һава торышы, көчле яңгыр, температура +7..+9°. Атмосфера басымы норма чикләрендә. 15 октябрьдә, тәүлек дәвамында болытлы һава торышы, көчле яңгыр, төнлә һәм көндез +8 градус..10°, төньяктан талгын җил көтелә. 

Хөрмәтле авыл хуҗалыгы хезмәтчәннәре, әлеге тармакта эшләп лаеклы ялга чыккан ветераннар! Һөнәри бәйрәмегез – Авыл хуҗалыгы хезмәтчәннәре көне белән сезне ихластан котлыйбыз.

Җиргә карата хуҗаларча мөнәсәбәтегез, җаваплы булуыгыз белән сез авыл хуҗалыгы үсеше өчен уңай шартлар тудырасыз.

Кыенлыклар белән исәпләшмичә көнне төнгә ялгап эшләүче, табыннарыбызны мул итү өчен тырышкан тәҗрибәле игенчеләребез, механизаторларыбыз, терлекчеләребез белән, чын мәгънәсендә, горурланабыз һәм сезгә сокланабыз.

Бәйрәм көнендә тырыш хезмәтегез өчен олы рәхмәтләребезне кабул итеп алыгыз. Сезгә һәм гаиләләрегезгә, олы хөрмәткә лаек ветераннарга нык сәламәтлек, бәхет, күтәренке рух, яңа хезмәт җиңүләре телибез.

Хөрмәт белән, Апас район башлыгы Р.Ф.Хисаметдинов

Район башлыгы Равил Хисаметдинов Зур Болгаер, Әлмәндәр, Зур Күккүз авыл җирлекләре белән танышып чыкты.

Җитәкчеләр белән берлектә социаль объектларны һәм фермаларны карадылар.Һәрбер сорау һәм мөһим мәсьәләләр язып алынды.

Апасның “Дельфин“ бассейнында Халыкара өлкәннәр ункөнлеге уңаеннан йөзү ярышлары узды.

Биредә хатын-кызлар һәм ир-атлар теләп катнашты. Ир-атлар арасында Апастан Альберт Зиннәтуллин, Равил Гыйззәтов, Каратуннан Хөҗәт Гыйсмәтов җиңү яулады. Хатын-кызлар арасында Урта Балтайдан Алсу Нуруллина, Мөнирә Гыйззәтуллина, Биештән Ирина Золотова иң җитезләр рәтендә. Район Советының аппарат җитәкчесе Илфир Гәрәев, социаль яклау идарәсе җитәкчесе Гөлчәчәк Мәүлетова, балалар һәм яшүсмерләрнең спорт мәктәбе җитәкчесе Ринат Шәяхмәтов өлкәннәрне тәбрик итеп, бүләкләр тапшырдылар.

Бүген көндез аз болытлы һава торышы көтелә, +4 градус..+6°, көньяк-көнбатыштан талгын җил. Атмосфера басымы норма чикләрендә. Геомагнит кыр тыныч. Якында төнлә болытлы һава торышы, аз гына яңгыр, температура +2..+4°. Атмосфера басымы норма чикләрендә. 10 октябрьдә, тәүлек дәвамында болытлы һава торышы көтелә, бераз яңгыр, төнлә +2..+4°, көндез +7..+9°, көньяк-көнбатыштан талгын җил.

Авыл хуҗалыгы – Татарстан икътисадының 10%тан артык ҖТПен формалаштыручы төп тармагы булып тора. Бүген бу хакта Татарстан Республикасы Президенты Рөстәм Миңнеханов Авыл хуҗалыгы һәм эшкәртү сәнәгате хезмәткәре көненә багышланган тантанада хәбәр итте. 

Районда Өлкәннәр ункөнлеге дәвам итә. Декада барышында өлкән яшьтәге спортчылар да төрле ярышларда катнашып, үз көчләрен сыный.