ЯҢАЛЫКЛАР
Балалар тәрбияләүдәге һәм гаилә традицияләрен ныгытудагы казанышлары өчен “Ана даны“ медале Аналар көне уңаеннан узган “Ике моң“ концерты барышында тантаналы шартларда бирелде. Аны район башкарма комитеты җитәкчесе Алмаз Гыйбадуллин тапшырды.
Гөлсия Тихтурова – 5 бала анасы. Үтәмештә сыер савучы булып эшли. Гаиләсе, балалары, эше хакында горурланып сөйли ул.
Республика урта һөнәри белем бирү йортлары арасында узган “Ватанны саклаучылар” бәйгесе тәмам. Көн дәвамында егет һәм кызлар төрле спорт, хәрби әзерлек бәйгеләрендә көч сынаштылар, иҗади талантларын күрсәттеләр.
Иң яхшы шигырь укучылар бәйгенең Тәтеш шәһәрендә үтәчәк зона этабына чакыру алды.
Апас "Сәләт" балалар иҗаты үзәгендә икенче Халыкара "Җәлил укулары" әдәби бәйгесенең район этабы үтте. Бәйгедә районыбыз балалар бакчаларыннан һәм мәктәпләрдән килгән 100 бала катнашты. Иң яхшы шигырь укучылар бәйгенең Тәтеш шәһәрендә үтәчәк зона этабына чакыру алды, - дип хәбәр итә район мәгариф бүлеге методисты Айсылу Гыйниятуллина.
Татарстан Республикасы буенча Монополиягә каршы федераль хезмәт Идарәсенең район территориясенә визиты 2019 елның 29 ноябрендә булачак. Муниципаль районга ведомствоның сатып алуларны контрольдә тоту бүлеге җитәкчесе Алмаз Яфизов киләчәк.
Каратун егете Ранис Яппаров Псков шәһәрендә һава-десант гаскәрләрендә хәрби бурычын үтәп туган нигезенә кайтты.
Ранис 5 тапкыр парашюттан сикергән. Хәрби бурычын намус белән үтәгән өчен “ВДВ отличнигы“ исеменә дә лаек булган.
Ранис киләчәктә укуын дәвам итеп, үзенә ошаган эшкә урнашу теләге белән яна.
Районда “Ике моң“ парлы җырчылар бәйгесе 12нче тапкыр узды. Ул быел башка төрлерәк оештырылды һәм зонакүләм дәрәҗәгә үсте. Бәйгедә Апас, Кайбыч, Буа, Тәтеш, Чүпрәле, Югары Ослан районнарыннан моңлы җырчылар катнашты. Бары тик тере тавышка җырлау максаты куелды.
-
Бүген көндез алмашынучан болытлы һава торышы көтелә, -5..-7°, көньяктан талгын җил. Геомагнит кыр тыныч. Якындагы төндә болытлы һава торышы, температура -6..-8°. 29 ноябрьдә, тәүлек дәвамында алмашынучан болытлы һава көтелә, төнлә -6..-8°, көндез -3..-5°, көньяктан талгын җил.
-
1
-
Татарстан Республикасы Министрлар Кабинетының «бердәм гомумроссия номеры булган Татарстан Республикасында балалар ышаныч телефоны эшчәнлеген тәэмин итү турында» 2019 ел, 19 ноябрь, 1051 нче карары белән Татарстан Республикасында балалар ышаныч телефоны эшчәнлеген тәэмин итү турында Нигезләмә расланды. Балалар ышаныч телефоны эшчәнлеген оештыру вәкаләтләре Татарстан Республикасы Яшьләр эшләре министрлыгына йөкләнгән.
Татарстан Республикасы буенча Монополиягә каршы федераль хезмәт Идарәсенең район территориясенә визиты 2019 елның 29 ноябрендә булачак. Муниципаль районга ведомствоның сатып алуларны контрольдә тоту бүлеге җитәкчесе Алмаз Яфизов киләчәк.Татарстан Республикасы буенча Монополиягә каршы федераль хезмәт Идарәсенең район территориясенә визиты 2019 елның 29 ноябрендә булачак. Муниципаль районга ведомствоның сатып алуларны контрольдә тоту бүлеге җитәкчесе Алмаз Яфизов киләчәк.
Пәйгамбәребез Мөхәммәт (с.г.в) нең туган көнен Олы Бакырчы авылы халкы бик зурлап билгеләп узды. Читтә яшәүче авылдашлары Гөлия һәм аның тормыш иптәше Илдус Шиһаповлар ярдәме белән мәктәптә мул сыйлы табыннар корылды, догалар, мөнәҗәтләр яңгырады, салаватлар әйтелде.