ЯҢАЛЫКЛАР

Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында крестьян (фермер) хуҗалыклары базасында гаилә терлекчелек фермаларын үстерү»ведомство программасында катнашучы крестьян (фермер) хуҗалыкларын өстәмә конкурс нигезендә сайлап алуны уздыру турында игълан итә.

Грант күләме Министрлык тарафыннан КФХның үз акчаларын һәм аның чыгымнар планын исәпкә алып билгеләнә. Мөгезле эре терлек үрчетү өчен грантның максималь күләме бер хуҗалыкка 30 млн.сумнан артмый һәм НДС исәбеннән башка чыгымнарның 60% ын тәшкил итә. Башка төр авыл хуҗалыгы терлекләрен, кош – корт һәм балыкны үрчетү һәм тоту өчен-20 млн.сумнан да артмый.

Гаризалар һәм документлар Татарстан Республикасы Авыл хуҗалыгы һәм азык-төлек министрлыгы тарафыннан түбәндәге адрес буенча кабул ителә: 420014, Татарстан Республикасы, Казан шәһәре, Федосеевская урамы, 36 йорт, 3 кат, 309 кабинет эш көннәрендә 9.00 сәгатьтән 16.00 сәгатькә кадәр.

Документлар һәм гаризалар 2019 елның 23 октябреннән 21 ноябренә кадәр кабул ителә. Грант бирү тәртибе һәм документлар рәвешләре турында мәгълүмат сылтама буенча урнаштырылган

Казан федераль университетының 215 еллыгын билгеләп үтү уңаеннан Татарстанның 18 шәһәр һәм бистәләрендә зур фән бәйрәме узачак.

“Фәнни десант” 25 октябрь көнне Апаска да төшәчәк. Оештыручылар фән дөньясыннан килгән казанышлар һәм катлаулы күренешләр турында лекцияләр, кызыклы интерактив — викториналар, һөнәри юнәлеш бирүче мастер-класслар, тәҗрибә һәм экспериментлар тәкъдим итәчәкләр.
- Бу зур һәм кызыклы чара булачак. Биредә барлык теләге булган апаслылар катнаша ала. Керү бушлай булачак, - дип хәбәр итәләр район мәгариф бүлегеннән. (12+).

Морзалар егете Рушан Миңнуллин хәрби бурычын үтәп, исән-сау әти-әнисе, якыннары янына кайтты.

Зур Күккүз мәктәбенең 6 сыйныф укучылары районкүләм “Иң дус класс“ бәйгесенә әти-әниләр мәктәп комитеты, авыл китапханәчесе Галия апалары оештырган курчак театры коллективы белән бергәләшеп, дәүләт программасы буенча былтыр яңартылган авыл мәдәният үзәге сәхнәсендә бик озаклап әзерләнделәр.

25 октябрьдә 8.00-19.00 сәгатьтә 8нче номерлы районара салым инспекциясе салым түләүчеләр өчен “Ачык ишекләр көне“ уздыра.

22 октябрьдә ТР Премьер-министры урынбасары – ТР авыл хуҗалыгы һәм азык-төлек министры Марат Җаббаров Мәскәүдә "Danone Россия" компаниясе генераль директоры һәм Россия, БДБ, Төркия һәм Якын көнчыгыштагы яңа сөт продуктлары бүлекчәсе вице-президенты Чарли Каппетти белән очрашты.

Бер гасыр вакыт тарих өчен күп булмаса да, мәктәп өчен саллы гомер. Агымдагы уку елында Иске Йомралы мәктәбенең 100 еллык юбилее. Әлеге истәлекле дата уңаеннан, 2 ноябрь көнне барлык укытучыларны, чыгарылыш сыйныф укучыларын бәйрәмгә чакырабыз. Очрашу урыны – Иске Йомралы урта мәктәбе. 9.00 сәгатьтә. Тантаналы өлеш Иске Йомралы авылы мәдәният йортында 10.00 сәгатьтә башлана. 

Бу жәйдә Апаска керү-чыгу юллары, халык күп йөри, транпорт хәрәкәте көчле булган юл чатлары һәм урамнарга кояш батареялары белән автоном режимда эшли торган махсус күзәтү видеокамерлары системасы монтажланды. Бу киң колачлы системага заманча сыйфатлы, төнлә дә бар хәрәкәтне аерымачык яздырып баручы санлы режимда эшләүче бер йөздән артык видеокамера тупланган. Кадрлар он-лайн режимда район ЕДДС үзәк пультына килә, алар шулай ук Татарстанкүләм ЕДДС глобаль система, “Росгвардия“, МЧС диспетчер пунктлары видеомониторларына да китә.

Бүген көндез болытлы һава торышы көтелә, +11..13°, көнбатыштан талгын җил. Атмосфера басымы норма чикләрендә. Геомагнит кыр тыныч. Кичен-бераз яңгыр. Төнлә болытлы һава торышы, температура +7..+9°. Атмосфера басымы норма чикләрендә. 24 октябрьдә, тәүлек дәвамында алмашынучан болытлы һава көтелә, төнлә +7..+9°, көндез +10 ° .12°.

Россия Федерациясе Авыл хуҗалыгы министрлыгының оператив күрсәткечләре буенча, 14 октябрьгә авыл хуҗалыгы оешмалары тарафыннан тәүлеклек сөт сату күләме 44,4 мең тонна тәшкил иткән, бу узган елның шушы чорына караганда 7,8% ка күбрәк (2018 елда – 41,2 мең тонна).