Муниципаль районнар Апас муниципаль районы

ЯҢАЛЫКЛАР

август, 2015 ел

пәнҗешәмбе

Апас муниципаль район Советы аппараты җитәкчесе Ленар Хантимеров Апас муниципаль районы башкарма комитеты җитәкчесенең социаль мәсьәләләр буенча урынбасары итеп билгеләнде.

август, 2015 ел

чәршәмбе

Апас районына 85 ел

1930 елның 10 августында Бөтенроссия Үзәк Комитеты Башкарма Комитеты Президиумы карары нигезендә, Татарстан АССР 46 районга бүленә, шул исәптән сигезенче пункт булып, Апас административ районы төзелә.

Район хокук сакчылары су спорты буенча Бөтендөнья Чемпионатыннан кайттылар

Казанда июль-август айларында су спорты буенча Бөтендөнья Чемпионатларында хокук сакчылары рәтенә бер ай элек район эчке эшләр бүлеге хезмәткәрләре дә кушылды.

Апас мәктәбе һәм балалар бакчасы каршындагы тротуарлар челтәрле тимер койма белән чикләнде

Юл хәрәкәте иминлеге дәүләт программасы буенча Апас мәктәбе һәм “Кояшкай” балалар бакчасы каршында тротуарлар юлдан челтәрле тимер койма белән чикләнде. Балалар бакчасы каршында кояш батарейкалары белән эшләүче өстәмә кисәтү светофоры мотажланды. Бакча каршындагы юлдан тизлек сәгатенә 20 километрдан да артык булырга тиеш түгел-бу хакта яңа куелган юл билгеләре искәртә.

Ябалак авылында “Җәй гүзәле”н билгеләделәр

Ябалак мәдәният йортында 16 августта узган “Җәй гүзәле-2015“ бәйге тамашасында без бу төбәкнең уңган-булган кызлары белән танышып кайттык. Эльвина Абзалова, Диләрә Идиатуллина, Алинә Хәмидуллина, Гүзәл Низамиева үзләренең җыр-биюгә, аш-суга осталыкларын, моданы ни дәрәҗәдә белүләрен күрсәттеләр. Барлык биремнәрне оста башкардылар кызлар. Җырчылар Ландыш Юсыпова, Гөлнар Зиннәтуллина, Гөлфинур Гайнетдинова, Ландыш Гыйсмәтуллина, Айсылу Насыйрова чыгышын тамашачы тын да алмыйча тыңлады. Ә “Җәй гүзәле-2015“ бәйгесенең җиңүчесе булып Алинә Хәмидуллина калды.

Әлмәндәр почта бүлекчәсе җитәкчесе “Йолдыз“ның махсус бүләгенә ия булды

Әлмәндәр почта бүлекчәсе җитәкчесе Эльмира Аджихәлилова икенче яртыеллыкта “Йолдыз“га иң күп яздыручылар рәтендә. Аның Әҗем, Әлмәндәр халкы белән безнең “Йолдыз” газетасы арасында тыгыз элемтә урнаштыруда куйган хезмәтен бәяләп, без Эльмирага зәвыклы итеп эшләнгән почта ящигы тапшырдык. Эльмирага киләчәктә дә эшендә зурдан-зур уңышларга ирешүен калабыз!

август, 2015 ел

сишәмбе

Гөрләттеләр клуб сәхнәсен Әҗемнең яшь егет-кызлары

15 август көнне Әҗем авылы клубы да халык белән шыгрым тулы иде. Кичә башланганчы куратор, район мәгариф бүлеге җитәкчесе Ранис Әхмәтшин, авыл җирлеге башлыгы Рамил Җәләлиев чыгыш ясап, кыскача ил-көн яңалыклары белән таныштырдылар, 13 сентябрьдә узачак сайлауларда актив катнашырга чакырдылар.

Апас егете Рафаэль Хәсәнов “Батырлар бәйгесе“ндә катнашачак

Апас егете Рафаэль Хәсәнов кечкенәдән көрәшеп шактый җиңүләр яулаган егет.Көрәш сезоны барышында күрсәткән нәтиҗәләре буенча ул татар дөньясыны иң көчле көрәшчеләре катнашындагы “Батырлар бәйгесе“ндә катнашу хокукына ия булды. Бу бәйге 22 августта “Ак Барс“ көрәш сараенда узачак. 65 килограммга кадәр үлчәү категориясендә Рафаэль Әлмәт егете Рузил Ганиев белән бил алышачак. Апасыбыз данын яклаучы көрәшчебез Рафаэль Хәсәновка уңышлар телибез!

Апаслылар мал-мөлкәтне янгын куркынычсызлыгы таләпләренә туры китереп сакларга тиеш

Коры терлек азыгы янгын куркынычсызлыгы таләпләренә туры китереп саклауга куелырга тиеш. Салам-печән эскертләре электр линиясеннән кимендә 15 метр, юллардан 20 метр, корылмалардан 50 метр ераклыкта урнаштырылырга тиеш. Прессланган салам-печән штабельләрнең мәйданы 500, эскерт-150 квадрат метрдан арттырылырга тиеш түгел. Эскерт-штабельләр тирәсе 4 метр киңлектә сукаланырга, аралары 15 метрдан да ким булмаска тиеш. Бу кагыйдәләр янгын чыгуны кисәтү, аның киң таралмавы өчен беренче алшарт. Мал-мөлкәтенең сакланышы саклыкта һәм таләп-кагыйдәләрне төгәл үтәүдә булуын онытмыйк, – ди район янгын күзәтчелеге дәүләт инспекторы Илдар Вәлиев.

Районда 5 участок мал табибы һәм ветеринария фельдшерлары шәхси һәм җәмәгать секторларындагы 24 меңнән артык йорт хайваннары сәламәтлеге сагында торалар

Бүген районның Апас ветеринария участогы табибы булып Радик Сабирҗанов эшли. Борнаш ветучастогын Марат Гайфуллин, Кызылтауда-Азат Кәлимуллин җитәкли. Ишеево ветеринария участогы табибы-Таһир Шәйхетдинов һәм Акхуҗа ветучастогы баш белгече-Рафил Хәлилов. Шушы 5 участок мал табибы һәм ветеринария фельдшерлары шәхси һәм җәмәгать секторларындагы 24 меңнән артык йорт хайваннары сәламәтлеге сагында торалар. Борнашта былтыр, Йомралыда быел яңа типлы, модульле ветеринария пунктлары төзелде. Районда кыргый җәнлекләр, йорт хайваннары арасында төрле йогышлы авыруларны булдырмау һәм чирле терлекнең читтән район территориясенә үтеп кермәве, терлекләрне вакытында дәвалау чаралары өчен җаваплы белгечләребезгә исәнлек-саулык, тынгысыз эшләрендә уңышлар телик.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ