ЯҢАЛЫКЛАР

30
июль, 2015 ел
пәнҗешәмбе
Апас ветераннары арасында зур бәйге бара
 Бу көннәрдә Апас ветераннары Советы җыелышында Апаста яшәүче, йорт янында чәчәк, яшелчә, виноград үстерүче, умартачылык белән шөгыльләнүче ялгыз һәм парлы ветераннар арасында бәйге игълан ителде. Махсус комиссия төзелде. Комиссия күп хуҗалыкларда йөреп чыкты да инде. Сентабрь–октябрь айларында мәдәният йортында күргәзмә оештырылачак. Шунда нәтиҗә ясалачак, – дип хәбәр итте Апас ветераннар Советы рәисе Расыйх Латыйпов.
29
июль, 2015 ел
чәршәмбе
Район кырларында бу көннәрдә кызу урак өсте
Район кырларында бу көннәрдә кызу урак өсте. Авыл хуҗалыгы һәм азык-төлек идарәсеннән алынган мәгълүматлардан күренгәнчә, район буенча бүгенге көнгә 7215 тоннадан артык бөртек җыеп алынган. Район буенча бер гектардан уртача уңыш – 26,0 центнер. Арышның бер гектарыннан 25,6 центнер, көзге бодайдан 26,3 центнер уңыш җыела.
Апас Боз сараенда сезон ачыла
31 июльдән Апас Боз сараенда массалы шуу башлана. Җомга көнне 18.00 сәгатьтән башлап 19.00 сәгатькә кадәр, ә шимбә һәм якшәмбе көннәрендә 20.00 дән 21.00 сәгатькә кадәр дәвам итәчәк, – дип хәбәр иттелләр Апас Боз сараенда.
Район авыллары балалар учреждениеләрендә ремонт эшләре төгәлләнгән
Апас мәктәбеннән кала барлык мәктәпләр, мәктәпкәчә яшьтәге балалар учрежденияләрендә агымдагы ремонт эшләре төгәлләнде дип әйтә алам. Барысы да кирәк кадәр буяулар белән тәэмин ителделәр. Әлмәндәр һәм Әҗем балалар бакчаларына җылы бәдрәфләр эшләнде. Узган ел Зур Күккүз, Азбаба, Чирмешән, Кильдураз мәктәпләренә капиталь ремонт булган иде. Морзалар, Бакырчы, Балтай, Кызыл Тау, Черкен, Чурибураш мәктәпләре үз көчләре белән төзекләндерү эшләре башкардылар. Апас мәктәбендә республика программасы нигезендә, бүген киң колачлы эш – капиталь ремонт бара. Биредә ишек-тәрәзәләр яңартылды, электр үткәргечләр, җылылык, канализация торбалары алмаштырылды, түбәләр яңартыла. “Мәктәбеңә булыш!“ акциясе кысаларында сыйныф бүлмәләре яңа төс алды, – ди район мәгариф бүлеге җитәкчесе Ранис Әхмәтшин.
Ындырчыда психологик Үзәк ачыла
Район мәгариф бүлегендә белдерүләренчә, Ындырчы мәктәбендә реструктуризациядән соң халыкка, укучыларга психологик ярдәм күрсәтү максатыннан, психологик Үзәк ачыла. – Моның өчен без республикакүләм бәйгедә катнашып грант оттык. Шул акчага заманча технологиягә корылган аппаратуралар кайтартачакбыз. Бинаның эчке ягын үзгәртү эшләре бара, – ди мәгариф бүлеге җитәкчесе.
Иске Әнәле балалары җәйге лагерьда дин сабаклары алдылар
 – Иске Әнәле мәчетендә Рамазан ае алдыннан балалар өчен җәйге лагерь  оештырылды, биредә 15-16 бала дин сабаклары алдылар. Аларга әти-әниләре, дәү әниләре белән берлектә Рамазан ае тугач та ифтар ашы үткәрделәр. Балалар биредә кыска гына вакыт эчендә өйрәнгән  Коръән сүрәләрен килгән кунакларга бик теләп сөйләп күрсәттеләр. Ифтарга килгән кунаклар  аларның уңышларына сөенеп, лагерьны, ифтар мәҗлесен оештыручыларга, булышучыларга олы рәхмәтләрен әйтеп, кылган гамәлләре дәвамлы булса иде, дигән теләкләрен белдереп таралыштылар, – дип хәбәр итә район мөслимәләр берлеге җитәкчесе Рәмзия Гыйлманова. 
28
июль, 2015 ел
сишәмбе
Апас хастаханәсе табибы беренче урын яулаган
Быел район хастаханәсе табибы Мөхәммәдова Венера пенсионерлар арасында үткән “Өченче буын” Республикакүләм Спартакиадасында катнашып, авыл районнары арасында йөзү буенча беренче урын яулаган. Котлыйбыз! 
Район мәдәният хезмәткәрләре игенчеләргә җырлы бүләк ясадылар
Бу көннәрдә район мәдәният йорты каршында эшләп килүче “Замандаш“ агитбригадасы басуда, ындыр табакларында икмәк язмышын кайгыртучы райондашларыбызны ял иттерә. Аларны һәр җирдә көтеп алалар. Җырчыларыбыз Айрат Айтуганов, Гөлия һәм Алберт Сәләхетдиновлар, Рамилә Вавилова, Рөстәм Зиннәтуллин, шофер Айрат Миңнегалиев сәгать-минут белән исәпләшмиләр.
Татарстанда җылы һәм коры һава торышы саклана

Республиканың кайбер районнарында көндез температура 28 градуска кадәр күтәреләчәк.
Татарстан югары уку йортларында түләп уку бәясе 5-6 процентка арткан
Бу, аерым алганда, илдәге инфляция күләменә бәйле.
ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International