ЯҢАЛЫКЛАР

Карабай авылы клубында Иске Йомралы авылы мәдәният хезмәткәрләре белән берлектә гармунчылар кичәсе узды. Тамашачы рәхәтләнеп гармун моңы, тальян чыңы тыңлады.

Басуларда күкрәп иген үсте. Алар мул башаклары белән сөендерә. Алда – урып-җыю эшләре. Игенчеләр белән очрашып-сөйләшү, комбайннарның техник торышын билгеләү максатыннан районда комбайннар парады узды.

ООО СХП “Свияга“ берләшмәсенең Дәвеш бүлекчәсе идарәчесе Илсур Сабиров намуслы хезмәте һәм юбилее уңаеннан Татарстан Республикасы Авыл хуҗалыгы һәм азык-төлек министрлыгының Мактау грамотасы белән бүләкләнде. 

Апаста Республика көненә әзерлек эшләре тулы көченә бара. Район хакимияте, мәдәният бүлеге бу көнгә бик матур ял-күңел ачу программасы әзерлиләр. 

Зур Күккүз авылы мәдәният йортында шушы җирлектә яшәүче гармунчылар катнашында эчтәлекле концерт программасы оештырылды.

Апаста 12,5 чакрым озынлыкта су юллары яңара. Әлеге үзгәреш район үзәгенең Ленин, Октябрь, Кызыл Армия, Киров, Садри Җәләл, Муса Җәлил һәм башка урамнарын үз эченә ала.

Тәтештә республика балалар Сабан туеның зона йомгаклау бәйрәме узды. Биредә бездән Апас сәнгать мәктәбенең биюче һәм җырчы кызлары, шулай ук яшь көрәшчеләр катнашты.

Морзалар авылы егете Рамил Таҗиев һәм Югары Ослан районы кызы Зәйнәп Хакимова районның ЗАГС бүлегендә кавышуларын рәсмиләштерде. 

Һөнәри осталык, оператив эш, кисәтү чаралары комплексын колачлаган 2017 елның 6 аендагы эшкә йомгак ясау вакытында Апас хокук сакчылары коллективының гомуми күрсәткечләр буенча Татарстанда беренче алтылыкка керүе аерым билгеләп үтелде. 

-Апас районы эчке эшләр бүлегенең 10 кешелек оператив төркеме Казанда бөтендөнья футболы Конфедерация Кубогы матчлары барганда 1 айлык хезмәт командировкасында үзен бик яхшы яктан танытты, -дип хәбәр итә район полиция хезмәте җитәкчесе Раил Гатауллин.