ЯҢАЛЫКЛАР

21
июль, 2015 ел
сишәмбе
Каратун авыл җирлеге буенча ифтар мәҗлесенә 250 кеше чакырылган
Каратун бистәсендә яшәүчеләр өчен ифтар мәҗлесе мәктәптә оештырылды. Бирегә 50 кеше килгән иде. Район башкарма комитеты җитәкчесе Равил Хисаметдинов кыскача райондагы уңай үзгәрешләр, яңалыклар белән таныштырды. Кылган догаларның кабул булуын теләп, һәркемгә уңышлар юллады. Аның һәр сүзе, теләгенә мәҗлестәгеләр канәгатъ булып, “Амин“ дип әйтеп тордылар. Мөхтәсиб Мирхәт хәзрәтнең вәгазьләре, Төркия кунагы Сабри Айдинның бик тә күркәм тавыш белән коръән аятьләре укып, азан әйтүе һәркемнең күңеленә хуш килде.
Әлмәндәр авыл җирлегенең өч авылында да ифтар мәҗлесе узды
Районыбызда дин юлына басучылар, динебезне хөрмәт итеп аның кануннарын тиешенчә үтәүчеләр, ихластан игелек кылучылар елдан-ел арта бара. Изге Рамазан аенда бу аеруча ачык чагыла. Елдагыча авылларда, оешмаларда ифтар мәҗлесләре оештырылды. 15 июль көнне Әлмәндәр авыл җирлегенең өч авылында да ифтар мәҗлесе узды.
Изге Рамазан ае Акхуҗа авылы халкы өчен үзгә бер истәлекле булды

Авыл халкы тырышлыгы, бердәмлеге белән биредә мәчет ачылды. Мәчет ачу тантанасында район башлыгы Рәшид Заһидуллин, мөхтәсиб Мирхәт хәзрәт, Төркия кунагы Сабри Айдин һәм башкалар катнашты. Район башлыгы авыл халкы белән әңгәмә корды, райондагы яңалык-үзгәрешләр белән таныштырды, сорауларга җаваплар бирде.

Сабри Айдин азан әйткәннән соң, кызыл тасма киселде һәм халык “бисмилла“ әйтеп мәчет эченә керде. Соңыннан клубта ифтар мәҗлесе узды.
Свияжский бистәсендәге “Ләйсән” балалар бакчасын төзү өчен 60 миллион сум акча сарыф ителгән

Татарстанда 30 уникаль республика президент программасы эшләп килә. Аларның берсе – “Балалар бакчалары төзү”. Узган ел республикакүләм программага нигезләнеп Свияжский бистәсендә дә яңа балалар бакчасы ачылды. Ул 80 балага исәпләнгән. Бакчаны төзү өчен 60 миллион сум акча сарыф ителгән.

“Ләйсән” балалар бакчасы нәниләре өчен барлык шартлар да тудырылган.
Апаста салмыш килеш машина йөртүче хатын-кызлар тоткарланган
Район ЮХИДИ бүлегендә хәбәр итүләренчә, ел башыннан руль артына аек булмаган килеш утырган 36 машина йөртүче тоткарланган. Июль аенда гына кабат 7 ваемсыз шофер тутатылган. Араларында хәтта хатын-кызлар да бар икән.
16
июль, 2015 ел
пәнҗешәмбе
“Салават күпере” балалар бакчасы да капиталь төзекләндереләчәк
 Районда 36 балалар бакчасы бар. Аларда 835 бала тәрбияләнә. Әти-әниләр һәм балалар өчен уңайлылыклар арта бара. Киләсе елга республика программасына нигезләнеп, “Салават күпере” балалар бакчасы капиталь төзекләндереләчәк. Әле күптән түгел генә биредә 30 балага исәпләнгән яңа группа ачылган иде. Бүгенге көндә исә “Кояшкай” бакчасында төзекләндерү эшләре дәвам итә. Анда шулай ук 30 балага исәпләнгән яңа группа ачылачак, – ди район мәгариф бүлеге җитәкчесе Ранис Әхмәтшин.
Апасның Яшьләр урамындагы 40 нчы йортта яшәүчеләр дә изге гамәлдән читтә калмаганнар
Динебезне хөрмәт итүче ханымнар уйлаштылар да бергә җыелып ифтар мәҗлесе үткәрделәр. Тирә-күрше йортлардагы ураза тотучы апалар да табын түрендә булдылар. Мәчеттә дин белеме алган Дания Самольянова, Рәмзия Абдуллина бөтен шартын китереп сүрәләр укыдылар, вәгазьләр сөйләделәр. 
Уразадан соң Апаста беренче туй 18 июльдә үтәчәк
Уразадан соң беренче туй 18 июльдә үтәчәк. Кече Күккүздән Руслан Вәлиев һәм Апастан Ләйсән Вафина бу көнне никахларын рәсмиләштерергә дип гариза тапшырган, – дип хәбәр иттеләр район ЗАГС хезмәткәрләре. Быел районда 27 пар кавышкан булса, 15 пар аерылышкан.
Район хуҗалыкларыннан составында спирт булган 35,7 литр эчемлек кулланылыштан алынган
Кулланучылар хокукын яклау буенча әйдәп баручы белгеч Гөлнара Абдрахманова сүзләренчә, Республикада спиртлы эчемлекләр һәм көмешкә сатуга каршы көрәш буенча ункөнлек игълан ителде. Ул 20 июльгә кадәр дәвам итәчәк. Шушы ункөнлек нигезендә, оешмаларда, кибетләрдә һәм шәхси хуҗалыкларда яңа кабул ителгән законның үтәлеше тикшерелә. Хуҗалыклардан составында спирт булган 35,7 литр эчемлек кулланылыштан алынган.
Черкен Тәтеш арасын бал кортлары «Ока»га утырып «оча»
Хуҗа кеше Татар Черкене авылына урнаштырылган умарталыгыннан кортлары белән ике оя югалуын сизеп ала һәм полиция хезмәткәрләренә хәбәр итә. Тикшерү эшләре барышында, Тәтештә яшәүче яшь кешенең ояларны алып кайтып, үз хуҗалыгына урнаштыруы ачыклана. Эчке эшләр бүлеге хезмәткәрләре ике көн эчендә чит малга кул сузучының эзенә төшә. 

ЯҢАЛЫКЛАРГА ЯЗЫЛУ
Район турында
Коррупциягә каршы хәрәкәт
Документлар
Матбугат хезмәте
Телефон: (84376) 2-13-52
Факс: (84376) 2-19-27
E-Mail: apast@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International