Муниципаль районнар Апас муниципаль районы

ЯҢАЛЫКЛАР

февраль, 2015 ел

сишәмбе

Сатмыш авылында гомер итүче Рәшидә әби 90 яшьлеген билгеләп үтте

Рәшидә әби Закирҗанова гомере буе колхозда эшләп лаеклы ялга чыккан кеше. Сугыш вакытында окоп казуда, урман кисүдә катнашкан, аннан соң дүрт елдан артык поровозда кочегар булып йөри. – Без күргән авырлыкларны көн-төн сөйләсәң дә бетә торган түгел. Бүгенге көнебез Аллага шөкер, тынычлык кына булсын иде, - ди ул. Район башлыгы Рәшид Заһидуллин юбилярны котлап Рәсәй Президентының Котлау открыткасын, апаслылар үстергән гөлне һәм бүләген тапшырды.Рәшидә әби әлеге тәбрикләүләргә бик шатланды, чын йөрәгеннән олы рәхмәтләрен җиткерде. Кунакларны капка төбеннән үк озатып калды.

Район башлыгы Рәйхана әби Хабибуллинаны 90 яшьлек олы юбилее белән котлады

Сугыш елларында яшь егетләр кызлар Болынбалыкчыда окоп казыдык, Карамасар, Сатмыш, Мөрәле урманнарында агач кистек. Яз көне генә өйләргә кайттык. Аннан ат карарга кердек, 14әр тай карый идек. 1948 елда тормышка чыктым. Иптәшем сугыш инвалиды, култык таягы белән йөрде. Шулай да гаилә өчен тырышты. Өч бала үстердек, укытып кеше иттек, - дип авыр елларын күз яше аша искә ала Рәйхана әби. Аны олуг юбилее белән котларга район башлыгы Рәшид Заһидуллин килде, изге теләкләрен җиткерде. Рәсәй Президентының Котлау открыткасын, үзебез җирлектә үстерелгән гөл һәм бүләген тапшырды. Юбилярны котларга шулай ук авыл җирлеге башлыгы Радик Исмәгыйлев, почта бүлекчәсе мөдире Люция Гыймадиева да кайнар котлады.

Район башлыгы Асылҗиһан әби Җаббарованы 90 яшьлек олы юбилее белән котлады

Асылҗиһан әби бүгенгесе көндә Казан шәһәрендә олы кызы янәшәсендә гомер кичерә. Бүген район башлыгы Рәшид Заһидуллин Казан шәһәренә барып аны гомер бәйрәме белән кайнар котлап, Рәсәй Президентының Котлау открыткасын, чәчәк бәйләме һәм бүләк тапшырып кайтты.

Биеш, Азбаба, Кабык-Күпер, Черкен авыллары халкы гөрләтеп бәйрәм иттеләр

Биеш, Азбаба, Кабык-Күпер, Черкен авыллары шат авазларга, җыр-моңнарга, тәмле коймак исләренә күмелде. Биредә яше-олысы, бала-чагасы Май чабу(Масленица) бәйрәменә җыелдылар. Матур бәйрәм белән котларга район башлыгы Рәшид Заһидуллин да килде.

“Кояшкай” балалары әтиләрен сынадылар

Ватанны саклаучылар көнен бәйрәм итү өчен “Кояшкай” балалар бакчасында әзерлек эшләре күптән башланды. Һәр бала әти-әнисе белән берлектә рәсем ясап килделәр, рәсемнәрдән бик матур һәм эчтәлекле күргәзмә дә хасил булды.

февраль, 2015 ел

җомга

Район башлыгы Асылҗиһан әби Җаббарованы 90 яшьлек олы юбилее белән котлады

февраль, 2015 ел

пәнҗешәмбе

23 февраль – Ватанны саклаучылар көне уңаеннан муниципаль район башлыгы котлавы

Хөрмәтле Бөек Ватан сугышы ветераннарын, локаль конфликтларда, кайнар нокталарда “хәрби хәрәкәтләрдә” катнашкан райондашларны, армия хезмәте үтеп, Конституциядә нигезләнгән бурычын үтәгән ир-егетләрне, солдат булырга әзерләнүче үсмерләрне бәйрәм белән кайнар котлыйм. Армия – илебез бәйсезлегенең, халкыбыз иминлегенең ышанычлы гаранты ул, анда хезмәт итү гражданлык бурычы гына түгел, горурлык та. Чөнки Кораллы Көчләрдә хезмәт иткән кешегә мөнәсәбәт үзгә, ихтирамлы, ә армиядә булган егетләр нык холыклы, тәвәккәл, кыю булулары белән аерылып торалар. Барыгызга да нык исәнлек һәм озын гомер, иминлек һәм гаилә бәхете, уңышлар телим, хөрмәтле райондашлар. Белегез, илебез, халкыбыз сезнең белән хаклы рәвештә горурланабыз.

Апас районында “Йолдызлык” (“Созвездие”) фестиваленең сайлап алу турлары башланды

Аның беренчесе – Каратун мәдәният йортында үтте. Каратун, Сатмыш, Акхуҗа, Болынбалыкчы, Дәүләки, Дәвеш, Морзалар мәктәбе, Шыгай һәм Каратунның “Гөлчәчәк” балалар бакчасы коллективлары чыгыш ясадылар. Бүген – 19 февральдә “Йолдызлык” фестивале Урта Балтай мәдәният йортында, 20 февральдә Апас мәдәният йортында узачак.

Сугыш ветераны Зиннәт Хәйруллин Татарстан Президенты белә очрашуга бара

21 февраль көнне Казан Кремлендә Татарстан Республикасы Президенты Рөстәм Минниханов Бөек Ватан сугышы ветераннары белән очрашу үткәрә. Тантаналы рәвештә ветераннарга “Бөек Ватан сугышында Җиңүгә70 ел” дип исемләнгән медальләр тапшырылачак. Безнең районнан әлеге тантанада Шәмбалыхчы авылыннан сугыш ветераны Зиннәт Хәйруллин катнашачак.

Апас форпостчылары бер сызыкка басты

Бөек Җиңүнең 70 еллыгы уңаеннан һәм яшьләрдә патриотлык хисе тәрбияләү, физик һәм рухи яктан чыныктыру максаты белән, районда Форпост отрядларының слеты үтте.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ