ЯҢАЛЫКЛАР


14
апрель, 2014 ел
дүшәмбе
Татарстан Республикасы Президенты Рөстәм Миңнеханов милли бәйрәм - Сабан туен - билгеләү турындагы Указга кул куйды. Документта республикабыз районнарында бәйрәм 7-8 июньдә, Яр Чаллыда - 12сендә , Казанда - 21 июньдә узачак диелгән.
Биеш мәктәбенең 10 сыйныф укучысы Анжелла Владимирова республикакүләм “Ел укучысы – 2014” бәйгесендә җиңеп, бу көннәрдә Ульяновский өлкәсендә узган регионара бәйгедә катнашты. 29 регионнан килгән “иң-иң”нәр арасында да сынатмады ул, дипломга лаек булды.

9
апрель, 2014 ел
чәршәмбе
Кама-Тамагы районында өлкәннәр арасында узган районара милли көрәш бәйгесендә безнең команда (тренер Ринат Гыйламов) беренче урынны яулады. Шимбә киңәшмәсендә район башлыгы аларга Мактау грамоталары һәм акчалата бүләк тапшырды.
12 апрельдә, 13.00 сәгатьтә, “Алтын алка” боз сараенда 2005-2006 елгы яшь хоккейчылар арасында Чулпан Салаватуллин призына ярышлар үтә. Яшь алмашка көч биреп торырга килегез!
Апас мәктәбенең Суфия Сәлахова классында укып, бүгенге көндә Тәтеш педколледжында “Физик тәрбия” белгечлеге алучы I курс студенты Илнар Галиев исеменә Рәхмәт хаты килде. “Тырышып укучы, колледжның җәмәгать һәм спорт тормышында актив катнашучы егет тәрбияләвегез өчен рәхмәт” диелгән анда.
25 мартта район юлчылары 31 километрлы федераль трассада тузган юлны ремонтлау эшен башладылар, асфальт әлегә Кама Тамагы заводыннан китерелә. Район эчендәге барлык асфальт юллар озынлыгы 280 километрга җыела.

7
апрель, 2014 ел
дүшәмбе
“Татарстан почтасы” һәм “Татмедиа” оештырган республикакүләм “Иң яхшы хат ташучы” бәйгесендә райондашыбыз Гөлсинә Вафина иң тырыш, иң үҗәт, иң максатчан дип табылды һәм өченче урынга лаек булды.

3
апрель, 2014 ел
пәнҗешәмбе
27 -28 мартта Буа шәһәрендә Республикакүләм эстрада сәнгате “Йолдызлык-2014” фестиваленең зона туры булып узды. Бу бәйгедә безнең районнан 75 бала катнашты.

2
апрель, 2014 ел
чәршәмбе
29 мартта Казан шәһәрендә “Татарстан Республикасының авыл яшьләре” программасы кысаларында региональ иҗтимагый оешма “Татарстан республикасы Аграр яшьләре берләшмә”сенең чираттагы җыелышы булып узды.

30
март, 2014 ел
якшәмбе

Район башлыгы боерыгы нигезендә Апаста 1 апрельдән санитар-экологик икеайлык башлана.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International